تابليت
إيه أكثر Tablet مناسب لك؟
قبل ظهور
أول iPad، سوق الـ tablets كان نسبيًا غير معروف وماكانش في إقبال على
شراءها، إلا أن الوضع اختلف تمامًا بعد ظهور الـiPad وابتدت الشركات تنتج
أنواع مختلفة من الـ tablets بإمكانيات متنوعة ولأهداف كثيرة. وبالتالي،
اختيار الـ tablet المثالي بيكون صعب جدًا في ظل التنوع الشديد في
الاختيارات المتاحة. عشان كده عملنا الدليل ده لمساعدتك على اختيار الـ
tablet المناسب لك!
الشاشة
اختيار حجم الشاشة بيفرق من
مستخدم لآخر حسب. الأحجام بتتراوح بين 5 بوصة - قريب جدًا للـ smartphones
– وفوق الـ 10 بوصة. فعلى سبيل المثال، المستخدم اللي بيهتم أكثر بسهولة
حمل الـ tablet ممكن يفضل الـ Samsung Galaxy Tab 7.0 ذو الشاشة الـ 7 بوصة
على الـ New iPad ذو الشاشة الـ 9.4 بوصة. في حين إن المستخدمين هواة
الألعاب الإلكترونية أو القراءة –"الـ e-reading" هيفضلوا tablet يتميز
بشاشة كبيرة تساعد على رؤية أفضل.
من المهم الإشارة أيضًا إلى
جودة صورة الشاشة، أو الـ resolution، لأنها بتفرق كثير خاصة مع هواة
القراءة والتصفح. الـ New iPad بيقدم أحسن جودة (2,048 X 1,536 pixel ) في
الفئة ما بين 9 و10 بوصة والـ Amazon Kindle Fire، يعد أكثر Tablet مثالي
للقراءة والتصفح في فئة الـ 7 بوصة. على كل حال، أقل جودة مقبولة لرؤية
جيدة هي1,280 X 800 pixel .
نظام التشغيل أو الـ Operating System
أكثر نظامين تشغيل رواجًا
هما نظام الـ iOS اللي بيستخدمه الـ iPad ونظام الـ Android المتاح على
أجهزة كثيرة، وبالطبع، لكل واحد من النظامين مميزاته وعيوبه. الـ iOS
بيمتاز بسهولة استعماله وكثرة تطبيقاته اللي ممكن تحميلها من على الـ App
Store بالإضافة إلى وجود مشغل الموسيقى زي اللي موجود في الـ iPod. ولكن
بيعيبه إنه لازم يكون متوصل بجهاز كمبيوتر من أجل تحديث النظام من خلال
iTunes. على صعيد آخر، بيمتاز نظام Android بالانتشار على أجهزة كثيرة وده
بيدي المستخدم فرصة أكبر للاختيار، بالإضافة إلى إمكانية تحديث النظام
بدون الحاجة لتوصيل الـ tablet بجهاز كمبيوتر، ده غير إن نظام الـ Android
مُدعم من Google، فحتى في حالة فقدان الـ tablet، البيانات بتكون منقول
منها نسخة على الـ Google Account.
في بالطبع أنظمة أخرى على Blackberry وHTC بس أقل كثير في الشعبية وسهولة الاستخدام.
الذاكرة
اختيارك لحجم الذاكرة
بيعتمد على الهدف من الـ tablet، فلو استخدامك هيقتصر على التصفح أو
القراءة، مش هتحتاج أكتر من 16GB، ولو عايز يبقى عندك مجموعة أفلام تتفرج
عليها وقت ما تحب، ننصحك بالـ 32GB أو 64GB.
قوة البطارية
قوة البطارية مهمة جدًا في
الاختيار لأن الهدف من الـ tablet في المقام الأول هو القدرة على استعماله
في الأماكن اللي مافيهاش مصدر للطاقة، ولذا فيجب وضع عدد ساعات تحمل
البطارية، خاصة في حالة استخدام الـ 3G عشان بتستهلك طاقة بشكل كبير. بس
الموضوع في الآخر بيعتمد على كيفية استخدامك للـ Tablet. المعدل المقبول هو
8 ساعات استخدام.
الكاميرا
لازم تسأل نفسك: هل محتاج
كاميرا جودتها خرافية في الـ tablet؟ ولا مش من هواة التصوير؟ ده مع العلم
إن معظم الـ Tablets حاليًا بتيجي مجهزة بكاميرا خلفية وكاميرا أمامية
اللي بتكون مفيدة في استخدام Skype أو Google Talk. لو مش محتج كامرا، في
tablets كثير مش بيبقى فيهم كاميرا أصلاً، ولو محتاج كاميرا، الجودة
بتتراوح بين 3MP و5MP.
محتاج 3G؟
هل محتاج تبقى online طول
الوقت؟ لو آه يبقى اختار tablet ممكن يضاف له شريحة اتصال، ومن خلالها
تستخدم الـ 3G للدخول على الإنترنت. بس ضع في اعتبارك إن الـ 3G بيستهلك
البطارية بسرعة جدًا.
على كل حال، كل الـ tablets الجديدة بتيجي مجهزة بـ Wi-Fi.
